Превентивна активност на РЦГР Исток и ОВР ДелчевоПолициски службеници од Регионалниот центар за гранични работи Исток Помошник командир за јавен ред и мир и превенција Марија Аџиска и Самостоен Инспектор за обука и превенција при РЦ за ГР Исток Влатко Калаџиски, од ОВР Делчево, денеска (14.10) во соработка со стручните служби во Општинското основно училиште „Климент Охридски“ во Делчево, одржаа едукативна работилница на тема: „Превенција од врсничко и сајбернасилство“.Преку разговори со учениците, децата беа запознаени и им беа појаснети начините како да се препознае и превенира навремено појавата на вербалното, физичкото и сајбер насилството. Исто така, учениците беа запознаени како да пријават говор на омраза и насилничко однесување во секојдневната комуникација во училиштето и надвор од него, како и идентичните такви појави на социјалните мрежи.