Превентивна активност на РЦГР Исток и ОВР ДелчевоДенеска (21.10.) полициски службеници од Регионалниот центар за гранични работи Исток и од ОВР Делчево, во соработка со општинската организација на Црвениот крст-Делчево, како и со стручните служби во општинските основни училишта „Св.Климент Охридски“ и „Ванчо Прќе“ во Делчево, одржаа едукативна работилница на темата – „Трговија со луѓе- деца“Во рамки на наменски подготвената едукација преку видео презентација, како и преку разговор и дискусија со учениците полициските службеници ги запознаа децата со причините, ризиците, и се она што го опфаќа проблематиката на трговијата со деца како организиран и сериозен криминал. Посебен акцент беше ставен на механизмите и начините за превенција од овој вид криминал.